محسن صفوی – من بولوندا

من یولوندا داغدان آخب چای اولدوم

قارانلخدا سنن اترو آی اولدوم

اوشیوردون قیشدا سنه یای اولدوم

سویله گوروم سن منیم چون نیله دین

گولوشلریم دونوب قالدی اوزومده

گوز یاشلارم بوز باغلادی گوزومده

سوز ورمیشم من قالمشام سوزومده

سنسه منه وفاسیزلغ ایله دین

نفسیمده آغ دومانی دادردن

نور گوزونن گوزلریمه باخردن

سنی سُنسیز بیر آسیمان سانردم

گوزوم گورمور آسیمانی نیله دین

سنن اوزاخ چخب گده بیلمیرم

بو آیرلق نغمه سینی سومیرم

سن دونیامسان دونیانی من نیلیرم

سوگی دولو دونیامزی نیله دین